ഇരുന്ന് ജോലിചെയ്യുന്ന പലരും അനുഭവിക്കുന്ന പ്രശ്‌നമാണ് നടുവേദന. നടുവേദന മാത്രമല്ല തുടര്‍ച്ചയായി മണിക്കൂറുകള്‍ ഇരുന്ന് ജോലിചെയ്യുന്നത് ശരീരം അനങ്ങാതിരിക്കാനും അതുവഴി പൊണ്ണത്തടി, ഹൃദ്‌രോഗം തുടങ്ങിയ പ്രശ്‌നങ്ങള്‍ ഉണ്ടാകാനും ഇടയാക്കുന്നു. അതുകൊണ്ടുതന്നെ ഇരുന്ന് ജോലി ചെയ്യുന്നവര്‍ ആരോഗ്യം നിലനിര്‍ത്താനായി അത്യാവശ്യമായി ചെയ്യേണ്ട ഒരു കാര്യമുണ്ട്.
ശാരീരികവും മാനസികവുമായ ആരോഗ്യം നിലനിര്‍ത്തുന്നതിന് ശരീരത്തിന്റെ ചലനം നിര്‍ണായകമാണ്. ദീര്‍ഘനേരം ഇരിക്കുന്നത് ശരീരത്തിന്റെ മെറ്റബോളിസത്തെ പതുക്കെയാക്കുകയും രക്തചംക്രമണം കുറയ്ക്കുകയും പേശികളെ ദുര്‍ബലമാക്കുകയും ചെയ്യും. പതിവായി നടക്കുന്നത് കലോറി കത്തിച്ച് ഭാരം നിയന്ത്രിക്കാനും ഹൃദയത്തിന്റെ ആരോഗ്യം മെച്ചപ്പെടുത്താനും മാനസികാവസ്ഥ മെച്ചപ്പെടുത്താനും സമ്മര്‍ദ്ദം മെച്ചപ്പെടുത്താനും പേശികളെയും സന്ധികളെയും ശക്തിപ്പെടുത്താനും ഒക്കെ സഹായിക്കുന്നു.
പ്രതിദിനം 10,000 ചുവടുകള്‍ നടക്കണമെന്നാണ് ഫിറ്റ്‌നെസ് വിദഗ്ധര്‍ പറയുന്നത്. 1960കളില്‍ ജപ്പാനില്‍ നിന്നാണ് 10,000 ചുവടുകള്‍ നടക്കുക എന്ന ആശയം വരുന്നത്. പിന്നീട് ഇവ ജപ്പാന് പുറത്തും പ്രചാരം നേടി. മറ്റ് ആരോഗ്യപ്രശ്നങ്ങള്‍ ഉള്ളവര്‍ 7,000-8,000 ചുവടുകള്‍ നടന്നാലും മതിയാകും. 5000 ചുവടുകളെങ്കിലും നടക്കേണ്ടത് അത്യാവശ്യമാണെന്ന് വിദഗ്ധര്‍ പറയുന്നു.
(ഈ ലേഖനം വിവരങ്ങള്‍ നല്‍കുന്നതിന് വേണ്ടി മാത്രമുളളതാണ്. ആരോഗ്യസംബന്ധമായ പ്രശ്‌നങ്ങള്‍ക്ക് ഒരു ഡോക്ടറുടെ സേവനം തേടുക)
Content Highlights :There is a way to avoid back pain caused by sitting at work